[RwandaLibre] Re: [rwanda_revolution] Igifaransa cyongeye kubyutsa impaka muri politiki y’u Rwanda

 

Mukandori urakoze kutugezaho iyi nkuru.

Green Party turayishyigikiye muri poltike yayo yo gushaka ko ubutegetsi butakomeza apartheid ishingiye ku gifaransa.

Ibitekerezo bijyanye n'uburyo igifaransa cyakoreshwa mu Rwanda murabisanga hano. 

http://www.amakurunamateka.com

---

From: Mukandori Mukandori <m_uk_andori55@yahoo.fr>
To: Fondation <fondationbanyarwanda@yahoogroupes.fr>
Cc: uRwanda_Rwacu <uRwanda_rwacu@yahoogroups.com>; "netherlands_group@yahoogroups.com" <netherlands_group@yahoogroups.com>; Rwanda <rwanda_revolution@yahoogroups.com>
Sent: Saturday, 5 April 2014, 12:04
Subject: [rwanda_revolution] Igifaransa cyongeye kubyutsa impaka muri politiki y'u Rwanda

 

Igifaransa cyongeye kubyutsa impaka muri politiki y'u Rwanda

Author : Izuba Rirashe

1

1 017

03/04/2014

Share on facebook Share on twitter Share on email More Sharing Services 3

Guverineri wa Banki Nkuru y'u Rwanda (ibumoso) n'Umuyobozi w'Ishyaka Green Party ritavuga rumwe na Leta (ibumoso) (Amafoto/Ububiko)

Ishyaka ritavuga rumwe n'ubutegetsi mu Rwanda ryazamuye impaka ku kibazo cy'ururimi rw'Igifaransa.

Democratic Green Party ivuga ko Itegeko Nshinga ririmo kwicwa n'inzego za Leta zirimo Banki Nkuru y'Igihugu, amagambo yababaje Guverineri  John Rwangombwa.

Rwangombwa yabwiye Izuba rirashe ko atifuza kujya mu itangazamakuru avuga ku tuntu duciriritse kandi hari ibindi bishobora kuganirwaho bihangayikishije igihugu.

"Sintekereza ko icyo ari ikibazo, dufite ibindi byo gutaho umwanya, ururimi rw'igifaransa ku mafaranga!?"

Perezida w'ishyaka  Riharanira Demokarasi n'Ibidukikije avuga ko uretse inoti nshya y'amafaranga 500 itaranditsweho amagambo y'igifaransa; hari n'ahandi igifaransa cyirengagijwe nko ku ndangamuntu ndetse n'impushya zo gutwara ibinyabiziga.

Dr. Habineza Frank yatangarije Izuba rirashe ko bashobora kuregera urukiko rurengera Itegeko Nshinga kuko hirengagijwe ingingo ya gatanu y'iryo tegeko rikuru.

"Twebwe impungenge dufite zishingiye ku kuba hari inzego za Leta zikomeje kwica Itegeko Nshinga cyane cyane ingingo ya gatanu, turi igihugu kigendera ku mategeko."

Dr. Habineza avuga ko nibidakosorwa vuba bazatanga ikirego mu Rukiko rw'Ikirenga( urukiko rurengera Itegeko Nshinga) kandi hakaregwa inzego za Leta zirengagije igifaransa ku byangombwa bitangwa ku rwego rw'igihugu.

Pascal Nyamurinda Umuyobozi mukuru w'ikigo cy'igihugu cy'irangamuntu avuga ko itegekoshinga ritishwe kandi ubwo hashyirwagaho indangamuntu hari impamvu zifatika zashingiweho hagakoreshwa icyongereza n'ikinyarwanda gusa.

Nyamurinda yasobanuriye iki kinyamakuru ati, "Twasanze nta mwanya uhari [uhagije]wo gushyiraho ibintu byinshi, [indi mpamvu]iya kabiri ni ukuba u Rwanda ruri muri East African community kandi bakoresha Icyongereza, twanarebye niba twashyiraho ikinyarwanda gusa ariko twemeza icyongereza n'ikinyarwanda."

Pascal Nyamurinda yongeyeho ko Itegeko Nshinga ritishwe kuko nta hantu na hamwe biteganyijwe ko ari ngombwa gukoresha indimi uko ari eshatu.

Hari abanyamategeko nabo bumva ko Ishyaka riharanira Demokarasi n'ibidukikije rishobora gutsinda inzego za Leta zitakoresheje Igifaransa ku byangombwa kuko hari abantu bavukijwe uburenganzira bwabo.

Umunyamategeko Nizeyimana Boniface yagize ati; "uwarega wese yatsinda Leta kuko bigaragara ko Itegeko Nshinga ritubahirijwe kuko riteganya ko hakoreshwa indimi eshatu, ubwo rero abazi igifaransa gusa barabangamiwe."

Reply via web post

__._,_.___

Reply via web post

Reply to sender

Reply to group

Start a New Topic

Messages in this topic (1)

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=--=-=-=-=-=-=-=-=-=-=-
.To post a message: RwandaLibre@yahoogroups.com; .To join: RwandaLibre-subscribe@yahoogroups.com; .To unsubscribe from this group,send an email to:
RwandaLibre-unsubscribe@yahoogroups.com
_____________________________________________________

More news:  http://www.amakurunamateka.com ; http://www.ikangurambaga.com ; http://rwandalibre.blogspot.co.uk
--------------------------------------------------------------------------------------
-SVP, considérer  environnement   avant toute  impression de  cet e-mail ou les pièces jointes.
======
-Please consider the environment before printing this email or any attachments.
--------------------------------------------------------------------------------------

Sponsors:

http://www.afriqueintimites.com; http://www.afriqueintimites.com;
http://www.eyumbina.com/; http://www.foraha.net/
-=-=-=--=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-==-

Visit Your Group

• New Members 1

• Privacy • Unsubscribe • Terms of Use

.

__,_._,___